Djaloshi nga qyteza Shon Mekartur ka ardhur në qytetin e Nju Jorkut pa asgjë. Mezi fiton bukën e gojës duke shitur mallra falso nëpër rrugë, por fati i tij ndryshon kur takon falsifikuesin Harvi Borden. Kur menaxheri i Shonit, Harvi, e prezanton me botën e dyluftimit të rrugës, thuajse brenda natës ai kthehet në një yll të boksit duke mundur boksierë profesionistë dhe kampionë të arteve marciale në një sërë ndeshjesh tensionuese. Tani ai përballet me ndeshjen më të fortë të jetës së tij...

Denzel Washington luan rolin e mbikëqyrësit të trenave të metrosë së Nju Jorkut të quajtur Uollter Garber, dita e zakonshme e të cilit futet në kaos nga një krim i guximshëm: pengmarrja e një prej trenave të metrosë. John Travolta luan si Rajdëri, gjeniu kriminal i cili, si udhëheqësi i një bande të armatosur prej katër vetash, kërcënon të ekzekutojë pasagjerët e trenit veç nëse i paguajnë një shumë të madhe parash brenda një ore. Ndërkohë që tensioni rritet nën këmbët e tij, Garberi vë në punë njohjen e tij të madhe të sistemit të metrosë në një betejë për ta mundur Rajdërin dhe për të shpëtuar pengjet. Por ekziston një gjëagjëzë që Garberi nuk mund ta zgjidhë: akoma edhe nëse grabitësit i marrin paratë, si mund t’ia dalin të arratisen?